劉德華早前為成都一個慈善演唱會義務演出，但昨日中央電視台踢爆該演唱會事後竟出現虧蝕，疑是有人借慈善為名斂財，加上有部份歌手收取酬勞所致，有關方面表示要徹查此事。
華仔昨日在星光大道為其紅館演唱會舉行記者會，他談到此事時說：「件事好耐㗎嘞，個騷完咗一個星期先出呢個問題，當時我喺北京拍戲，係我老師彭登懷叫我去，話幫吓啲殘疾兒童，老師話慈善嘢可以做，佢表演變臉，我就唱歌。」對於有歌手收酬勞一事，華仔說：「佢哋了唔了解呢個係慈善騷？知都收錢就梗係唔得啦！」
此外，華仔昨日宣布將於八月三十一日至九月十二日在紅館舉行十三場演唱會，而九月九日那一場，剛好是華仔在紅館舉行的第一百場演唱會，華仔表示有意請汪明荃及李克勤任嘉賓。
採訪：蔡如玉 攝影：仇志德