精明消費：飯壺功能推陳出新<br>易潔內格清洗話咁易精明消費：飯壺功能推陳出新
易潔內格清洗話咁易
現代人既要節儉慳錢，亦開始講究健康飲食，所以帶飯上班可說是潮流新趨勢。新出的飯盒固然有齊易潔、排氣等新功能，就連給人古老感覺的飯壺亦不斷推陳出新，不但外形靚仔，更有大容量之作，唔想食飯時間在微波爐前排隊等翻熱的話，不妨換個靚仔飯壺。
記者：張穎麟
攝影：陳盛臣、陳智良
Model：Emily（RichStrategy）
功能飯壺脫離老土
飯壺給人的感覺一向是老老土土，未必能討你的歡心。但新一代的飯壺卻來個大脫變，除加有易潔功能外，更有6-7小時的保溫效能，毋須加熱都可以享用到熱飯，而且Outlook亦脫離老土的感覺，攞出嚟絕對唔失禮。
易潔設計去油容易
飯壺的設計高而深，要徹底清潔難免有點困難，所以TIGER呢個小巧飯壺就加入了易潔設計，油迹話咁易就被水清洗。飯格則是加大設計，可裝碗半飯，男孩子最合用。
總容量：0.55L
售價：$258(a)
啱大胃王：大飯壺裝足四碗飯
飯壺中的頂級容量，一次過可裝到四碗飯，還可以再裝餸裝湯，莫說是大胃王，就算是兩口子都夠食。最抵讚係內格設計密度高，令呢個象印的巨無霸可以將重量降低到1kg內，比同級飯壺輕近30%。
總容量：1.47L
售價：$598(a)
靚款啱OL：粉紅小袋夠方便
飯格的容量剛剛是一碗飯，最適合怕肥要纖體的OL們。雖然它的保溫效能已達6小時之久，但嫌不夠熱的話，各層內格也可放進微波爐加熱，再加埋粉紅色靚袋，令呢個THERMOS飯壺更加Cute。
總容量：0.78L
售價：$278(a)
餸格特多
咪睇呢個THERMOS的香檳金飯壺，總容量達2.5L。其實它的飯格只可以裝一碗飯，反而它比其他飯壺增加了多一個餸格，令你可以將不同味道的餸菜分開，方便愛食餸的朋友。
總容量：2.5L
售價：$319(a)
翻熱飯盒功能躍進
𠵱家唔少Office都會有微波爐供員工使用，所以好多人都會嫌飯壺太大攜帶不便，而選擇帶飯盒返工。新推出的飯盒更加入易潔、保鮮等功能，讓你吃得更開心。不過要注意的是，除了特別標明外，大部份飯盒的盒蓋都是不能放進微波爐加熱的。
真空湯飯壺
喜歡傳統帶飯壺的話，可考慮呢個Buffalo不銹鋼真空飯壺。其保溫和抗菌效能俱佳，裝湯時其容量亦較其他飯壺高。特設活動式把手，擺放更加慳位。
總容量：0.45L
售價：$138(a)
由內洗到外
大部份的飯壺都只可以洗內格，外格不可以直接清洗，難免有藏污納垢之危險。呢款象印飯壺就標榜外格都可以直接用水清洗，實行同污迹、細菌講拜拜！
總容量：0.63L
售價：$268(a)
夠晒體貼：防滑筷子最周到
可裝三碗半飯的TIGER大型飯壺，連埋肩帶方便攜帶，更附送防滑筷子，設計夠晒細心。筷子頭加上特別的防滑質料，就算夾青豆、節瓜都話咁易夾到。
總容量：1.3L
售價：$318(a)
盒蓋可入微波爐
講到款式，呢個SealWare飯盒就富有簡約味道，外表比一般飯盒高貴。功能方面，盒蓋上設有小氣孔，只要將之打開便能放進微波爐，較其他飯盒方便。
總容量：0.51L
售價：$32(c)
排氣更新鮮
為了令飯盒放在雪櫃時更新鮮，FeelEasy的飯盒在盒蓋上加設排氣孔，能有效保留食物原味，盒蓋重可以放埋入微波爐。飯格、餸格採用活動設計，想裝多啲飯定餸，自己話事。
總容量：0.65L
售價：$79(a)
直放唔怕漏
唔少飯盒只可平放，當打直放時就難免有漏餸汁之危。所以呢個Kater飯盒就力谷直放設計，放在雪櫃更慳位。它亦附有可拆式蒸氣格，令加熱時熱力更均勻。
總容量：0.48L
售價：$28(b)
兩層容量大
要數飯盒中的大胃王就非呢個LunchScene莫屬，兩層設計提供一個大飯格，再加兩個活動餸格，怎樣配搭由你話事。最正係盒蓋可裝埋筷子，自備餐具方便衞生。
總容量：1.07L
售價：$130(a)
卡通款大人細路都鍾意
卡通人物去到邊都咁受歡迎，所以HelloKitty、小熊維尼等卡通人物亦齊齊登場。功能方面唔輸蝕，全部可放入微波爐翻熱（盒蓋除外），相信極受OL及小朋友的歡迎。
飯盒連餐巾
生產商真係照顧周到，除了飯壺有便攜袋外，呢個SIEMPRE飯盒更有埋餐巾附送。說到飯盒本身，採用兩格活動格模式，對於較大食的男士們來說，或許會嫌容量太小。
總容量：0.46L
售價：$88(b)
夠靈活：分體式設計
唔少女士們帶飯都相當彈性，可能有時帶多些有時帶少些。所以UGM呢個飯盒就採用分體式設計，以橡筋帶將上下兩層相連，想帶少啲飯時，就可以帶少一格喇！
總容量：0.64L
售價：$78(b)
世界名著都出場
世界名著《PeterRabbit》，近年在日本大紅，今次連飯盒市場都染指埋。兩層內格的飯盒，除可裝飯外，亦方便小朋友裝三文治之用。
總容量：0.36L
售價：$88(a)
夠可愛：維尼熊陪你食
想食飯開心一點，最好就有一個喜歡的卡通人物陪你一齊食。象印深明此道，推出了小熊維尼飯壺，既可裝到1.5碗飯，更可以保持攝氏53度達6小時之久。
總容量：0.63L
售價：$339(a)
售賣點
(a)崇光百貨28338338
(b)city'super25062888
(c)Francfranc34273366
(d)吉之島28846888
(e)JCShop31022783
(f)SanrioVivitix21561202
ChocoChip's食冬甩
睇見ChocoChip's咬住冬甩個得意樣，小朋友自然乖乖地食飯啦。咪睇飯盒有點兒嬉，其實一樣可以放入微波爐加熱，更可抵受攝氏零下20至140度的溫差！
總容量：0.51L
售價：$65(e)
MyMelody易去油迹
說到卡通人物，當然不能缺少了最受女孩子歡迎的MyMelody喇，連開關位亦印上圖案，小朋友帶返學校都特別威。選用易潔物料，清洗油迹話咁易，絕對內外兼備。
總容量：0.36L
售價：$84(f)