滙豐銀行大班艾爾敦今年五十九歲，喺滙豐打工三十幾年，八方聽聞佢就快退休。噚日佢上電視受訪，被問到退休時，佢話冇時間諗呢個問題。不過，佢補充話，即使將來退休，相信都唔會完全停止工作，可能會喺香港搵其他嘢做。
咁點解唔返英國？佢話六八年已經離開英國，「英國已經冇人識我」，而佢嘅朋友同生活都喺香港。難怪艾爾敦對香港咁關心。好多銀行家唔想得罪人，絕少講政治講社會事務。但呢位良心大班就經常發表自己對政治題目的想法，佢話係講出自己睇法而已。
（圖）艾爾敦打算退休後留喺香港搵嘢做，難怪對香港咁關心。
傳真︰2623-9278
電郵︰