古天樂、郭富城和梁家輝主演的電影《柔道龍虎榜》前晚舉行首映，古仔和城城的fans落力為偶像打氣。城城對於母親寓所遭雷劈，他表示已更換避雷針。梁家輝則大彈成龍拍西片不倫不類，還是拍港片最適合。
古天樂、郭富城、應采兒與梁家輝主演的電影《柔道龍虎榜》前晚在銅鑼灣時代廣場舉行首映禮，城城與古仔一早到場，他倆的fans擠得戲院水洩不通，城城的fans為了替偶像打氣，不斷大聲吶喊，相對古仔的fans則比較靜，只拉橫額支持偶像，直到古仔上台說話，他的歌迷才紛紛起哄。
梁家輝前晚表示近日忙於在上海拍攝新片《驚天傳奇》，他說：「呢排我喺上海拍緊唐季禮套新戲，真係熱死人，如果重係咁熱，真係怕頂唔順。」
家輝又大彈成龍拍西片不倫不類，他說：「過兩日我會再返去同大哥（成龍）拍呢部戲，金喜善會接拍呢部戲，之前大哥同唐季禮只係搞吓宣傳，先至話冇佢份演出，大哥𠵱家拍港片咪好囉，拍西片搞到不倫不類！」
城城母親的寓所早前被雷劈，屋宇署已上門了解，城城前晚說：「我已經了解過成件事，主要係避雷針壞咗，𠵱家已經更新番，媽咪好叻，出事嗰日我打畀佢，不知幾鎮定，重叫我唔使擔心，更加唔會考慮搬，佢話間屋俾雷劈過依然堅固，聽佢咁講，我都比較放心，不過嗰日做完港聞頭版後，真係要多謝晒，因為好多朋友打電話嚟問候，原來我喺呢行都重有好多朋友。」
此外，古仔、應采兒和導演杜琪峯昨日在旺角出席《柔》片宣傳活動，但活動主要是推銷長旺雅苑樓盤，古仔表示雖非代言人，但活動是電影宣傳之一，有利是作報酬。
物業老闆羅守耀在介紹應采兒和古仔出場時，誤將應采兒喚作廖碧兒，應采兒被問到此事時哈哈大笑說：「咁我咪身材好好？我當時聽唔到，如果聽到會同佢講我叫應采兒，唔係廖碧兒囉！」
採訪：魯萍攝影：林德雄
