自從梁錦松冇做官之後少咗曝光，但近排佢同老婆伏明霞，俾傳媒影到喺內地出現，兩人成日都形影不離，重帶埋BB囡一齊周街走，不知幾幸褔。有人重話小伏再度懷孕，想話追個仔。噚日八方喺銅鑼灣常有名人明星出沒嘅「利園」，竟然見到小伏好優閒咁行街街，只見佢喺YohjiYamamoto、ChristianDior等名店穿梭試衫，雖然係咁試，但係最終一件都睇唔中，空手而回。
唔知係咪小伏已再有身孕，佢着住件鬆身黑色衫，微微見到有少少肚，而且佢試親嘅衫都係闊身衫。不過運動員出身嘅佢，見到有人影佢相，就即刻好醒咁擰轉身避鏡頭，最後索性坐車走人。俾人問到佢係咪大肚，佢用國語答話：「這麼快就有便是天才了！」
傳真︰2623-9278
電郵︰