名模蔣怡（Coco）早前身穿華麗婚紗晚裝，為七月號《新婚通信》任封面人物。她在訪問中表示與男友翁狄森雖未有結婚打算，但已視他為結婚對象，拍拖三年半，仍有熱戀的感覺，不過二人亦有爭吵的時候，她說：「佢成日覺得我係小朋友，會以家長身份同我講道理，唔聽我嘅諗法，加上我係一個唔識表達嘅人，所以唔開心時，我會收埋自己喊，不過佢最後都會聽我講同𠱁番我，咁樣重可以增進感情。」
訪問中，Coco還表示與男友組織了一個家，有時因為會太掛念對方，而減少到外地工作，增加相聚時光，她說：「同佢一齊嘅時間好似永遠都唔夠，可能大家工作都好忙，加上我同佢組織嘅家庭有六隻貓、一隻狗仔同倉鼠，非常熱鬧。」