又係七月七日，呢個蘆溝橋事變嘅重大日子，對董特首來說，有特別嘅意義。因為呢一日係佢嘅生日，而且喺一九六○年呢一日，佢重同阿董太訂婚，當時佢二十三歲在倫敦。
不過，近呢兩年阿董生嘅生日，恐怕都過得並不快樂。去年，23條搞到天下大亂，田北俊喺北京歸來，七月七日決定倒戈，重辭埋行會成員唔做。成個政府亂晒陣腳，董生重點有心情食蛋糕。
今年本來好好多，點知沙士報告一出，又滿城嘩然。董太最錫嘅楊永強局長千夫所指，噚日立法會三大黨一齊郁佢，特首辦緊急開會，最終楊局長請辭，你話特首會點慶祝生日呢？希望明年七七，董生冇咩做，可以同孫仔一齊唱生日歌。
傳真︰2623-9278
電郵︰