投資推廣署米老鼠署長俾一億元維港巨星匯煩咗成年，仍未有了結，噚日佢已封口不提此事，淨係講番自己老本業投資推廣署今年上半年嘅戰績，為本地帶來33.6億元嘅外地投資。佢又講番過去四年點努力為香港搵客，自己出差公幹四十七次，探訪過六百間外地企業，發表過一百份演說推介香港，又接受咗一百次傳媒訪問。
佢又認為7.1遊行對香港有正面作用，因為咁多人和平上街而冇造成任何損傷，係社會政治成熟嘅表現，係香港自由生活嘅體現，實在係香港值得欣賞嘅強項。咁率直，八方真係擔心佢會成為第二個練乙錚。
講到點樣吸引外資來港，原來同國際學校校長相熟亦係秘訣之一，因為外商來港工作首要考慮因素之一係點樣安排啲仔女讀書。
傳真︰2623-9278
電郵︰