劇集《學警雄心》昨日舉行拜神儀式，該劇演員周永恆和吳浩康涉藏毒被捕，其後陳鍵鋒撞車，有指全因未拜神。吳浩康現身時，不少演員予以鼓勵。
無綫劇集《學警雄心》昨日在將軍澳電視廣播城舉行拜神儀式，在《學》劇宣布開拍以來，先有周永恆涉藏毒易角，吳浩康亦因涉藏毒被捕，而陳鍵鋒和薛凱琪又因放料傳聞鬧不和，日前陳鍵鋒更撞車受傷送院。
原來在陳鍵鋒遇上車禍之前，楊怡亦曾在旺角撞車，對於有人指是因為遲遲未拜神，令劇中演員接連遇上不快事，監製黃偉聲說：「其實拍攝上一路冇大問題，而發生嘅事都唔係喺拍劇嘅時候發生，都係演員嘅個別事，不過都希望拜完之後可以順順利利。」
早前因為涉嫌藏毒被捕的吳浩康昨日在拜神的時候誠心上香，更有不少演員鼓勵吳浩康，令他十分感動，他說：「有好多人鼓勵我，好感動，冇諗過咁多人同我講『繼續努力』，所以我會更加做好啲，呢度啲人好好，唔會話有乜嘢就劃清界線。」飾演小偷的吳浩康，有說在劇中要拍攝一場被警察戴上手銬的場面，他說：「我唔知嗰場係唔係拍，就算係都一定會拍。」
昨日監製又特別吩咐楊怡誠心上香及食燒肉，原來楊怡一個月前亦曾發生車禍，她說：「有日揸車返工，喺太子道撞到前面架車，賠咗二千幾蚊畀人，自己架車都整咗萬幾蚊，不過好彩人冇事。」
陳鍵鋒昨日拍攝廣告未有出席《學》劇拜神，他說：「醫生話我心口軟骨受傷冇藥食，所以我去做針灸，聽日我會開工。」有報道指薛凱琪對他懷恨在心，陳鍵鋒對此說：「我哋都知乜事。」
採訪：楊潔雯、王崇穎、卓美娟
攝影：林德雄、何國豪
