荷蘭銀行噚日喺中環國際金融中心（IFC）二期，開咗佢哋第三間「梵高優先理財中心」，講到明梵高，理財中心四圍布置，當然都有好有梵高嘅特色，例如有好多梵高嘅掛畫，每家獨立嘅房間都用梵高嘅畫命名，就連咖啡杯都印有梵高嘅作品。
向日葵喺梵高最愛畫嘅花，容易令人聯想起梵高。所以噚日開幕，每位到場嘅嘉賓，都會收到荷銀送出一支向日葵，銀行更特別為IFC提供新鮮向日葵做裝飾，所以去金管局嗰兩條電梯中間位置，都換咗耀眼嘅「太陽花」。
（圖）荷銀亞太區行政總裁雷杰瑞（左）、金管局副總裁韋柏康（中）同荷銀香港區總經理夏慧蘭（右）身上都扣咗向日葵㗎。
傳真︰2623-9278
電郵︰