「公務員政治中立」呢個神話，已經冇人會信，不過「同人唔同命」呢句俗語，就不可不信。
中央政策組顧問練乙錚雖然只係合約公職人員，但係因對政治問題表態，公然支持爭取民主活動而被迫提早放大假，即時「炒魷」；而入境處助理處長蔡漢權早前公開發表文章「政改隨想曲」，表達對政改爭拗嘅高見，指「謾罵無助政改發展，口號式嘅言論亦於事無補」，重「勸勉港人承擔責任，以香港安定繁榮為大前提」，就獲評為「表現卓越」，成為入境處唯一獲頒授卓越獎章嘅員工。
不過，以練博士嘅見識，應該唔會在意呢啲荷蘭水蓋，佢有大把朋友，相識滿天下，其中一位叫Donkey（HenryTang），呢位驢仔先生嘅英文名同財政司司長唐英年一樣，唔通練乙錚老友包括唐司長在內？
傳真︰2623-9278
電郵︰