《龍咁威》中有一句這樣的對白：「有錢梗係做蝙蝠俠，冇錢先做差人」，不過看完《蜘蛛俠2》之後才知道，原來冇錢不止可以做差人，還可以做蜘蛛俠，因為在《蜘蛛俠2》中，蜘蛛俠是一個窮鬼。
《蜘蛛俠2》找來了幾位殿堂級人馬來撰寫劇本，其中一位更是憑《普通人》得獎的大編劇。對於一齣超級英雄的漫畫改編電影來說，《蜘蛛俠2》有的是一個非常穩打穩紮的「普通」故事。男主角雖有特異功能，但也得交租交水電費，時間用了來普救世人，結果便是入不敷支，經常被人追交租。像很多本來雄心萬丈投身社會的年輕人一樣，渾身是勁準備發光發熱，但雄心壯志未幾便被殘酷的現實鬥垮，逐漸髮線便一吋一吋向後移，魄力也一天一天被磨滅。年輕蜘蛛俠雖未致變成地中海加大肚腩，但由於信心消減，竟變成一個彈唔起兼射唔出嘢的無蛛絲蜘蛛，超級英雄也有悲哀的一面。
另一邊廂，女主角踏上星途變成明星，跟為了隱藏身份而顯得唔知係唔係愛的男主角，展開一條相愛而未能愛的愛情線。
對於只愛看官能刺激動作場面的成年人或未懂看故事的小朋友來說，《蜘蛛俠2》肯定是不夠娛樂性，因為講多過打好多，但對於喜歡浪漫情懷的青年來說，《蜘蛛俠2》卻是出奇地情情塔塔，媲美《鐵達尼號》，中正口胃。
但講咁多都係嘥氣，無論鍾唔鍾意睇都係睇咗先算，香港單日票房便有四百萬，真係恨到口水流。