教育統籌局今個暑假搞咗個「香港領袖生獎勵計劃：國情教育課程」，畀一百八十名中六同擔任領袖生嘅同學，喺十一號至二十一號期間，去北京中國人民大學同北京郵電大學上堂交流，等啲同學對祖國國情加深認識咁話。阿董特首噚日重特別請咗班同學仔去禮賓府，喺授旗儀式度向班同學面授機宜（圖）。
阿董對班同學話，每次見到班朝氣勃勃嘅年輕人，都覺得好開心，班同學今次唔單止有機會參觀神舟五號升空航天中心、重可以同啲奧運金牌選手見面，其實佢自己都好想同啲同學一齊去。八方個心都希望大家見到董特首時，同佢見到班年輕人時一樣咁開心，不過，睇怕大家都情願阿董去埋北京，重係愈耐愈好，費事眼寃。 陳亮華攝
傳真︰2623-9278
電郵︰