許冠傑因演唱會超時而遭康文署發信警告，身為阿Sam舊同學的民政事務局常任秘書長李麗娟，原來曾了解事件，昨日她更力撐阿Sam說：「晚晚有萬幾人開心，又唔使政府畀錢，呢個係十幾年難得一見現象。」
許冠傑（Sam）演唱會前晚暫告一段落，阿Sam稍作休息後，便於下月四日至十三日再開十場個唱，據主辦單位恆藝亞洲負責人丘亞葵透露，如無意外阿Sam會在下月十四日和十五日加開兩場，至於十月是否舉行個唱，則有待本月十五日紅館回覆才能落實。
日前康樂及文化事務署發信警告阿Sam個唱超時觸發民憤，據悉事件發生後，民政事務局常任秘書長、阿Sam舊同學李麗娟曾致電康文署署長王倩儀及民政事務局局長何志平了解，李麗娟昨日與何志平及王倩儀出席商台「講古星期天」活動說：「我知道件事後，即刻打電話畀何志平同王倩儀，問吓乜嘢事，知道係一場誤會，所以馬上開會解決問題。」
李麗娟力撐阿Sam超時並非大問題，她說：「我睇咗兩場，四小時內好少人去廁所，呢件係香港近期最開心嘅一件事，晚晚有萬幾人開心，又唔使政府畀錢，我唔係偏心，個個都唔想走，呢個係許冠傑phenomenon（現象）。」那麼其他歌手是否可以効法阿Sam超時？李麗娟說：「唔係，啲歌手要好似阿Sam咁有魄力取悅觀眾，有咁多歌至得，阿Sam十幾年冇唱，呢個係十幾年難得一見現象。我睇過好多演唱會，有啲歌手唱到叠三已經冇歌，要唱人哋啲歌，叠半未完騷啲觀眾已經開始走。」
而王倩儀則強調並非針對阿Sam，他們只是擔心演唱會時間太浮動，令運輸署難以配合，而「後果自負」亦只是提醒罷了。此外，何志平亦表示所有問題已經解決，着傳媒繼續微笑。而阿Sam前晚唱至十二時二十分完騷，被紅館罰款七萬多，第三度捧場的譚詠麟說：「唱咁長唔係個個歌手學到，唔夠歌嗰啲千祈唔好學。」
採訪：何永寧、李珮洳
攝影：林德雄
