國家發展和改革委員會對外經濟研究所所長張燕生噚日在港出席「第五屆中國香港國際投資貿易洽談會」。佢大讚香港對國家嘅經濟扮演住獨一無二、不可替代嘅地位，而香港喺金融、貿易、物流、專業人才方面嘅優勢，國內城市最少用30至50年，經幾代人嘅努力，先能做到香港嘅水平。
張所長認為香港定位唔係國內一個大城市，而係亞太地區嘅國際化大都市，咁樣同上海、北京、廣州就唔係競爭關係，而係互補合作嘅關係，香港唔單單係香港，重係將十三億人口帶進世界嘅香港，亦係世界進入中國嘅橋樑。唉，呢位專家真有見地，可惜佢唔知香港正在努力「去國際化」，並高速內地化。我哋「自甘墮落」，一定唔使三十年，就會降到去國內城市水平。
傳真︰2623-9278
電郵︰