呢一屆立法會今日開始最後一次會議，進出口界立法會議員許長青因患腎癌而缺席會議，不過佢依然出版議員工作報告，並透露發現癌症經過。許長青話舊年四月開始因工作繁忙而放棄幾十年游早水嘅習慣，自此健康日差，到舊年十月更開始面色蒼白同怕冷，今年二月中決定去本港一間大私家醫院做全身檢查，結果乜事都冇。
許長青話到四月中上京出席釋法座談會，有人建議佢再做一次檢查，經介紹去廣州第一軍醫大學附屬南方醫院，點知呢次卻得出個晴天霹靂嘅結果，證實佢左腎有癌腫瘤，之後要立即切除左腎同接受化療，目前重未完全康復，每日朝早做治療，下晝就散步做做運動。
許長青話最唔明係點解喺香港醫院使咗九千五百蚊做檢查，都驗唔出患癌，但返大陸一驗就知出事，言下之意似乎認為香港嘅醫院唔係幾掂。楊局長，你收唔收到？
傳真︰2623-9278
電郵︰