香港貴為美食天堂，但原來𠵱家先有第一個國際認可嘅西廚師技能測試。個試要求好高，起碼要有六年經驗嘅西廚先可以參加。
可以過關嘅都係高手級人馬，首批通過初級測試嘅三十五個人之中，就有十五個係職訓局旅遊業培訓發展中心嘅導師，另外二十位都係五星級大酒店度做西廚嘅。
被喻為嘅「天才女廚神」嘅向詠南今年只有二十二歲，佢喺觀塘職訓局畢業之後就去咗馬會度做咗四年，舊年先升做初級廚師。佢話考試嘅時候好緊張，好似一套講廚師嘅卡通片咁，高手如雲，重要喺限時煮完一個湯、一個大盤同埋兩個甜品，連佢老闆都有到場吶喊助威兼試食。
女廚神重話有機會一定會繼續考埋更高級嘅考試，努力自我增值喎。
（圖）天才女廚神向詠南（右二）通過香港首個國際認可西廚技能測試。
傳真︰2623-9278
電郵︰