八方噚日講過有位姓李名怡嘅人士喺美籍華人陳啟宗嘅宣言上簽咗名，識李枱嘅人都覺得好奇怪，因為係人都知《七十年代》同《九十年代》雜誌創刊人李怡（圖）先生係民主派人士，佢自己又話冇聯署過呢份叫香港人唔好同中央對抗嘅乜宣言，真係唔知發生乜事。
文章見報後，負責牽頭嘅香港論壇張先生主動來電澄清，話此「李怡」不同彼李怡，與陳啟宗同坐一條船嘅李怡係一位女士，所以唔存在有人冒簽，唔使報警，驚動警隊李一哥咁大件事。
呢個世界同名同姓嘅人多的是，既然人哋話係巧合，李怡先生以後就應見怪不怪啦。
傳真︰2623-9278
電郵︰