三間發鈔行老總同金管局高層噚日喺新鈔發布會上，心情本極靚，一眾傳媒對面額五十元及二十元嘅新鈔點解改用綠色及藍色，大惑不解，多番追問下，金管局副總韋柏康突笑說是「Peter（王之洋名）堅持用藍綠色系」，搞到王冬勝一臉尷尬，因渣打的商標正是藍綠色。
接住負責介紹新鈔嘅滙豐柯清輝又加入整蠱王冬勝行列，因為渣打新鈔既有國際名師設計，又有百五年維港景色加吉祥物襯托，但一向慳家嘅滙豐就冇咁大手筆，柯老總笑笑口說，雖然傳統上係「鄰家的孩子趣致啲」，有人會覺得滙豐嘅新鈔唔夠吸引，但佢自己唔會有「隔籬飯香」嘅感覺。
銀行爭信用卡生意出盡法寶，連搞記者招待會都落足本錢同心機。
噚日恒生公布新信用卡優惠，就即場搞咗個「刷刷卡」遊戲，在場嘅記者、商戶夥伴同埋恒生自己員工都有得玩。
傳真︰2623-9278
電郵︰