日本過氣性感女神藤原紀香，雖曾揚言力拒拍露毛寫真，但最近都係要行番性感谷人氣。日本電視台都為嚟緊八月嘅雅典奧運搶收視，而富士電視台重搵咗紀香做主持㖭，不過紀香自知人氣唔多掂，所以幫噚日出版嘅日本雜誌《週刊POST》拍番一輯性感寫真救人氣。但紀香連早排推出喺肯雅拍攝嘅寫真集都唔賣得，睇嚟今後佢都要再諗計救亡。