噚日有份叫做「我們的宣言」嘅廣告喺多張中文報紙刊登，明眼人一睇，就知係衝住7.1五十三萬人上街遊行而嚟，因為佢哋除咗認同班專業人士早前提出要保護香港核心價值外，重自己加上要「務實、穩定同和諧」，又話香港成功並唔係靠「不著邊際，不切實際的社會運動和口號。」
據聞今次聯署行動又係由持有美國護照嘅陳啟宗做主席嘅香港論壇牽頭，唔怪得口口聲聲話要珍惜同中央及內地嘅關係。至於聯署個五百幾個人名都係熟口熟面，好似陳永棋、馮華健、羅康瑞、廖長江、譚耀宗、鄭家純、陳有慶同吳清輝，比較奇怪就係見到「李怡」個名。
八方問現任政治評論員嘅李先生點解一邊叫人上街，一邊又簽名？李怡話自己都𢱑晒頭，佢梗係冇簽喇，不過，佢都唔排除有人同佢同名同姓，而如果真係有人冒簽，八方笑佢可以聽胡法官話，一於報警，查個明白。
傳真︰2623-9278
電郵︰