希臘一比○小勝葡萄牙捧杯，令唔少球迷臨尾都要輸錢。經濟發展及勞工局局長葉澍堃同八方講，佢唔多好足球，但係個仔就好鍾意，重係希臘擁躉，佢原本早就瞓覺，但個仔就特登叫醒佢，一齊睇最後十分鐘。
民建聯噚日舉行十二周年會慶酒會，眾多高官政界中人都出席畀面，但係大家走埋一齊就係講波，無乜人聽馬力係台上講乜。民主黨就有前主席媽田、副主席何俊仁同埋肥仔明，不過三條友嚟咗無耐，畀完面後就急急腳咁走。
媽田同八方講，球隊其實最忌大牌球星，教練對呢啲球星都冇符，狀態差又唔敢換佢哋出場，結果拖衰隊球隊，希臘贏波就係因為無球星！
反而立法會主席范太好捧場，差不多留到最後。雖然有報道話中指黃嘅立法會出席率好低，但范太都冇哂辦法管唔到。范太話：「我又唔係校長、又唔係prefect，淨係主持立法會會議咋！」
（圖）噚日范太好畀面馬力，喺民建聯個酒會度差不多留到最後。
傳真︰2623-9278
電郵︰