方力申與Cookies成員Stephy（鄧麗欣）日前為新歌《好好戀愛》合唱版拍攝MV，二人合作多次已甚有默契，今次導演要求二人共用一個湯匙食雪糕，你一啖我一啖，又要他們同食一條薯條，極盡纏綿。不過方力申與Stephy竟不約而同表示近日「日本腦炎」肆虐，故應小心為上，所以埋位時都詢問對方身體狀況。
未知方力申是否緊張關係，一開機他即飛撲往Stephy的方向，咬着Stephy口中的薯條不放，怎料卻不小心踩到Stephy的腳趾。
Stephy說：「痛得我呀，我𠵱家知乜嘢叫十指痛歸心，腳趾都一樣！」Stephy謂當時她痛得眼淚直流，但方力申竟大笑，氣得她大叫：「你重笑？」其實Stephy只是扮惡嚇方力申，她說：「其實我都冇乜嘢，都可以繼續拍攝，我嚇吓佢咋嘛。」
