曾經寫過《沉睡森林》同《美味關係》等日劇嘅已故編劇家野澤尚嘅葬禮，前日喺日本築地本願寺舉行，有成五百多位親友同行內人士出席。其中演員役所廣司表現得好激動，而鈴木京香亦十分哀傷。喪禮上亦首次公開咗遺書嘅內容，野澤喺入面寫住：「雖然我還有許多夢想，但我先走一步了，感謝大家至今的栽培。」至於野澤尚自殺嘅真正原因，至今依然係個謎。