許冠傑（Sam）在康樂及文化事務署讓步下，前晚演唱會至凌晨十二時二十分完場，被紅館罰款七萬多元。前晚譚詠麟與外甥，黎姿和弟弟等亦有到紅館捧場，其間黎姿和阿Sam錫錫和合唱了數句《沉默是金》。
原來黎姿當年入行全由阿Sam一手提攜，黎姿昨在電話中說：「我爹哋識得阿Sam，有次佢哋見面，阿Sam見到我之後就同爹哋講，話你個女好靚女，新藝城開部《開心鬼放暑假》，問我有冇興趣試吓，跟住就介紹我畀黃百鳴。我叫阿Sam做uncle，睇佢演唱會可以令大家減壓，我完全唔覺得個演唱會長，我從來未試過睇晒成個演唱會，但我噚晚睇到完場都覺得未夠。」
此外，阿Sam的舊同學、民政事務局常任秘書長李麗娟，前日出席活動時亦力撐阿Sam，指阿Sam個唱是全城轟動的社會現象，超時根本沒有問題。
採訪：李珮洳、魯萍 攝影：陳志嵐
