韓國女星蔡琳，最近發現成都一間美容院喺未經佢同意之下，用佢嘅照片嚟做宣傳海報，所以蔡琳嘅經理人公司，就委託咗成都一間律師行，以侵佔肖像權為由，控告呢間美容院，重要索償九百萬人民幣。呢單案成為成都嘅司法界首個外國明星索償行動，都算幾轟動，相信呢件事可以對內地濫用外國藝人肖像作為宣傳工具嘅風氣有殺一儆百嘅作用。