SONY出過嘅懸浮式Plasma唔算多，嚟緊7月中將會有第二部推出；PlasmaWEGA等離子電視KE-MX42A1最特別之處，係佢首度加入了WEGAENGINE的高解像能力，好處是在處理輸入訊號時，大幅減少由輸入訊號至輸出訊號的模擬/數碼轉換次數，從而將雜訊減至最低，並全面提高畫面的解像度，展現更鮮明、更清晰及更自然的影像質素。
KE-MX42A1使用42"的設計，機身幾纖薄，只有110mm，但竟然內置有一個國際線路的TVTuner，用嚟睇電視時，唔使左駁右駁外置TVTuner或錄影機咁麻煩；不過最體貼係佢個內置「前中置喇叭」設計，睇電視時固然能提升人聲效果，而且佢重有「音效輸入」插口，5.1家庭影院愛好者，便可避免安放獨立中置揚聲器的不便。外觀設計一樣好花心思，畫面四周用上特別黑色Coating作圍邊，在陰暗環境下作電視播放時，會完全融入背景中，所以能令Plasma影像畫面猶如懸浮在半空之上！為咗KE-MX42A1能有最佳的視像效果，跟機會附送原廠掛牆架SU-PW2、座枱架SU-PT2M或懸浮座地架SU-PF2一個（任擇其一），而且還有兩年免費保養維修服務作信心保證。
記者：朱崇德
SONY客戶服務熱線：23452966