吳啟華昨下午約五時半往將軍澳電視廣播城，為無綫新劇《妙手仁心Ⅲ》試造型，其舊愛羅泳嫻昨日約四時亦曾現身化妝間，但因吳啟華遲到令兩人緣慳一面。
吳啟華早前先後被雜誌報道指他在北京帶女公關返酒店及在香港出入色情大廈，事後被記者追訪時更大發脾氣。昨日吳啟華就發脾氣一事公開道歉說：「上次件事對唔住係我唔啱，因為本雜誌根本就作嘢，重寫埋我朋友，嗰日個朋友重打電話嚟詐型，自己就話身為藝人心甘命抵。咁啱嗰日撞到記者，所以發洩咗喺你哋身上。」
而吳啟華例牌否認兩度被拍得出入夜店一事，更自言甚少出入這些地方。問到吳啟華為何當初未有即時解釋？他說：「做咗呢行二十年，覺得解釋都冇用，回應等於益咗佢哋。上次我入嗰座大廈，係因為約咗師傅度身做戲服。」問到可有與羅泳嫻聯絡時，吳啟華說：「間唔中都有聯絡嘅，大家重係朋友。」
採訪：王崇穎
攝影：陳偉權