曹敏莉、鄭希怡（Yumiko）和丘凱敏早前應國際鑽石商貿公司（DTC）邀請遠赴南非體驗天然鑽石旅程，參觀地底鑽石礦時，曹敏莉和丘凱敏更全副武裝上陣，深入地底八百四十五米尋寶。而Yumiko和丘凱敏亦大破慳囊買得心頭好。
鄭希怡、應屆港姐冠軍曹敏莉、男子組合Shine的徐天佑和黃又南、丘凱敏及江芷妮，早前應國際鑽石商貿公司邀請到盛產美鑽的南非體驗天然鑽石旅程。他們到過金伯利（Kimberley）及約翰內斯堡參觀了不少曾盛產名鑽的鑽石礦，更體驗美鑽誕生、人手掘鑽洞、天然礦洞和鑽石篩選及打磨等過程。
當中曹敏莉及丘凱敏更穿上採礦工服全副武裝深入地底八百四十五米的鑽礦，她們異口同聲表示絕對是一個難忘的經驗，曹敏莉說：「一生都唔會有太多呢種經驗，加上着咗呢件工服好重，條腰支撐完都好攰。」而丘凱敏入完礦洞後笑說：「香港唔係遍地黃金，南非都唔係遍地鑽石，所以鑽石珍貴得好有道理。」
整個鑽石旅程，曹敏莉最熱切計劃掃鑽，她說：「我好想買鑽石畀媽咪、阿姨、家姐同妹妹。」不過曹敏莉雖努力睇鑽，但因為不合眼緣，空手而回。反而丘凱敏和Yumiko都能買到心頭好。
丘凱敏以六萬一千多元買了一枚重1.124卡、色澤最高級的D色八箭八心鑽石，她笑說：「我覺得同佢（鑽石）好有緣份，因為我嘅出生日期係11月24日，粒鑽石係1.124卡，加上呢個級數嘅鑽石喺香港絕對唔可以用呢個價錢買到，有時工作辛苦，買粒鑽石獎勵自己，當係平衡心理。」
Yumiko則考慮了一段時間，最後才以四萬多元買下一粒1.02卡D色鑽石，Yumiko說：「今次純粹放假心情，絕對冇話要買鑽石，不過我預咗九萬蚊budget，所以呢粒鑽石可以話好抵買，可能自己會鑲造吊墜，又可能會送畀媽咪。」
特別鳴謝：國際鑽石商貿公司（DTC）
記者RitaLeung、MatthewLam南非直擊
