中大最近嚟咗個入得課室，又入得廚房嘅世界級學者，就係新任校長劉遵義。劉校長過去近四十年都喺美國史丹福大學教書，佢話習慣喺假日喺屋企煮番幾味，招呼朋友。作為一個喺西方社會生活嘅東方人，連煮嘢都要講求中西合璧，佢噚日就教八方煮佢拿手嘅「中西燒牛扒」。
首先要預備材料：四件牛扒（每件一吋半至兩吋厚）；一至兩匙羹沙律油；四分一茶匙粗粒胡椒；一匙羹碎芫荽；磨碎迷迭香、鼠尾草和百里香各一茶匙；兩匙羹豉油；一匙羹蠔油；糖及白蘭地各兩茶匙。
先將香草混合，搽喺牛扒兩面，再將牛扒浸入豉油、蠔油、糖及白蘭地嘅醬汁中，然後放到炭爐上燒，一般要十五至二十分鐘就完成，記得攞起前灑啲水喺牛扒上。八方噚日試過校長吩咐廚師所做嘅中西燒牛扒，一啲都唔「嚡」，重有好香嘅香草味。
傳真︰2623-9278
電郵︰