方力申、鄭融、董敏莉和鄭希怡（Yumiko）昨日往沙田出席活動，忙於籌備新碟的Yumiko表示，未知成龍兒子房祖名已簽約英皇成為其師弟。雖然她未見過祖名，但從朋友口中得知他貌似卡通狗史諾比，覺得他很cute。
鄭希怡、方力申、劉浩龍、鄭融和董敏莉，昨日往沙田出席手表宣傳活動，眾人齊比賽籃球和划艇機等，鄭融更忘形致甩鞋。
Yumiko近日忙於籌備新碟，故還未知成龍兒子房祖名早前正式簽約英皇成為其師弟。她說：「我唔知呀！不過幾好吖，如果佢有時間可以作首新歌畀我。」雖然Yumiko曾與成龍傳緋聞，但她從未見過祖名。Yumiko說：「我未見過佢，但成日都聽到房祖名個名，查實我唔知佢姓成定姓房。不過有朋友同我講佢似Snoopy（史諾比），咁都幾cute吖！至於有冇機會合作？梗有啦，佢係師弟點都有機會嘅！」
對於有指英皇有意力捧澎馬流浪球員文彼得，接替涉嫌藏毒的吳浩康，Yumiko聞言竟表示想加入Boy'Z，她說：「係咩？Steven又話俾人雪，不如我同Kenny變成組合算啦！」
另外，方力申近日正忙於拍攝電視劇《家有一寶》，他昨日大呼拍劇非常辛苦，他說：「我趕住二十一號前拍晒，去雅典參與奧運，我重試過兩次因為拍得太攰，揸揸吓車瞌眼瞓。我雖然同屋企人住，但已經五日冇見過佢哋。」
採訪：史丹 攝影：仇志中
