【本報訊】多個青年社團昨舉行聯歡會慶祝香港回歸七周年，全國政協黃英豪在聯歡會結束前誤以為傳媒已離場，突上台向逾百名學生為親北京人士拉票，他坦言：「頭先有新聞界喺度冇講到，我有啲心聲要同大家分享……九月立法會選舉要支持同中央有良性互動，同中央溝通嘅人。」
黃英豪表示：「你哋知唔知乜嘢係GDP（本地生產總值）？如果計進出口貿易，物流佔三分之一，當中大部份嚟自泛珠三角；旅遊唔在講，要多謝中央支持；金融方面，股票有千幾隻都係H股，香港經濟改善要同內地配合，香港影響中央嘅嘢已經愈來愈少。」
當時不少記者仍坐在宴會廳後方，聆聽黃英豪的「心聲」。黃英豪會後沒解釋為何其「心聲」不能向傳媒公開，只說民主派不算與中央有良性互動及溝通的人。有參加聯歡會的學生會後說未夠十八歲，根本沒投票資格。