中洲控股（351）去年由一位娛樂界名人入主後，公司曾批股及發可換股債券。近排中洲股價又見異動，小初起初以為公司又有新搞作，但年輕賓架話，市場傳聞中洲可能會賣殼，確係令小初有啲意外。。
中洲上月中，以每股0.14元，配售1.12億股，集資1568萬元。在完成批股計劃後不久，跟住又喺上個星期，向中信國際資產管理公司，發行2000萬元可換股票據，而票據換股價係每股0.30元。
中洲上周五突然發力，大升11.59%，收0.385元，成交股數312萬股，金額114.97萬元。以上周五收市價計，無論係在批股中接咗貨、或者認購咗可換股票據嘅投資者，在帳面上已經賺大錢。
另外，先思行（595）上周公布業績，盈利勁升9倍，賺成1.26億元。股價即刻有反應，上周五最高見過1.39元，收1.32元，上升8.2%，交投相當熱鬧，成交股數1308萬股，金額1740萬元。
經紀黃話，除咗業績靚之外，據講公司重有收購行動搞緊，應該重有排熱鬧。
慕容小初