香港先後已經有三個人被三帶喙庫蚊咬過，感染到日本腦炎，其中一人去世，二人病危。有飛天朱之稱嘅立法會議員朱幼麟即刻食住個勢，印咗批宣傳單張（圖），提醒市民「毒蚊急速繁殖，全城戒備。」佢重叫市民放心，因為「有我飛天朱就無有怕。」聲言市民只要同佢嘅辦事處聯絡，就會幫市民解除蚊患。
庫蚊搞到人心惶惶。八方擰開個收音機想聽吓庫蚊殺到邊，點知電台重係播緊套舊聲帶，叫市民唔好俾白紋伊蚊咬到，以防染上登革熱。政府成日話急市民所急，想市民所想，但成班官個腦嘅轉數似乎都無飛天朱咁快。
傳真︰2623-9278
電郵︰