江欣燕前晚到君悅酒店出席慧妍雅集周年舞會，對於近日有報道影射她與夫婿吳積遜吸食毒品一事，她前晚直斥黐線，還表示自己是個身形肥胖及愛惜皮膚的人，江欣燕更聲言夫婿於中環開設的餐廳鄰近警署，是一個保安嚴謹又健康的地方。
江欣燕、江欣慈兩姊妹，以及歷屆港姐冠軍如張瑪莉、翁嘉穗、楊婉儀、向海嵐和曹敏莉等前晚到君悅酒店，出席慧妍雅集舉行的周年舞會。今年大會主題為西班牙，不少昔日港姐都紛紛以西班牙熱女郎打扮到場。
問江欣燕早前有報道影射她與夫婿吳積遜（Jackson）吸食毒品一事，她即不悅地說：「黐線，你哋信唔信，我咁肥，自己唔敢食呢啲嘢，娛樂圈唔好嘅嘢永遠都有人聽，好多時都係含沙射影，冇證冇據冇開名，寫乜都得，自己冇呢方面嘅朋友。
「尤其係我老公開餐廳要小心，總之有少少名氣就話拆家，唱片拆家就有，自己去Ball飲紅酒就有，食毒品會傷皮膚，自己做呢行唔會拎塊面去『較飛』。」江欣燕更聲言夫婿Jackson所開的餐廳是一個健康的地方，她說：「大家放心，dragon-i係一個放心嘅地方，又鄰近差館，又健康，成個場有二十個securities（保安）。」
此外，前晚也是座上客的楊婉儀，偕夫王瑞勳（Simon）恩愛地出席，她表示近日正忙於惡補奧運資訊，以備主持無綫的奧運節目，她說：「我今年好在留喺香港做直播，上次我啱啱九五年當選，九六年就飛咗去奧運現場做直播，好辛苦。」問到何時生BB，她說：「完咗奧運先算，不過其實都係兩、三年後先諗，都想生個仔，畢竟Simon係獨子，總之順其自然。」
採訪：JessicaNgan
攝影：HoKwokHo
