官恩娜（Ella）昨日到將軍澳廣場擔任歌唱比賽評判，她表示十五歲的時候，曾於英國參加華人歌唱比賽且奪得冠軍，Ella說：「我當時係唱楊采妮嘅《不會哭於你面前》，不過之後搬屋，就掉咗個獎盃。」
對近日許冠傑（阿Sam）收到康樂及文化事務署的警告信一事，作為表演嘉賓之一的Ella指阿Sam於台上依然表現得十分開心，她說：「如果因為咁樣阿Sam十月唔開演唱會會好可惜，因為好多香港人都好想聽佢唱歌，亦都有好多人未買到飛去睇，每晚入場睇嘅人都睇得好開心，所以我都想阿Sam可以繼續開落去。」
Ella透露日前中暑後收到不少親友電話慰問，其fans亦以電郵問候她，她續說：「我啲fans係咁sende-mail畀我，搞到個郵箱都爆晒，同埋佢哋唔再送冇益嘅零食畀我，反而送柚子蜜、甘桔同車厘茄畀我食。」
採訪、攝影：李珮洳