《基本法》四十五條關注組嘅成員余若薇、梁家傑同湯家驊都肯定會出戰九月立會，為咗顯示上下齊心，班大狀7.1嗰日好多都全家出動，去維園集合出發，陳景生一家四口相見咗報，重有余若薇三個寶貝女同丈夫胡醫生、梁家傑太太同女兒以及湯太同個仔，佢哋都好落力幫手賣CD。
余大狀話，7.1因為CD出錯要臨時修改，所以趕到班後生好辛苦，最後點算，賣咗十幾萬，遲啲賣埋啲貨尾，希望夠兩年嘅錢，租個地方做電台嘅會址。
7.1嗰日實在酷熱難頂，貪靚嘅余若薇嗰日狀態不佳，佢同八方講，最驚中途暈倒醜死怪，幸好飲咗杯好多糖嘅檸檬水，最後生番晒，行畢全程。
傳真︰2623-9278
電郵︰
