成日對住班立法會議員木口木面嘅教統局局長李國章，噚日出席港台節目「反斗夏令營」同班小朋友真情對話時，成個面口都唔同晒，唔單止扮晒鬼臉𠱁小朋友開心，重唔覺意重提當日喺立法會俾人踢爆打機嘅尷尬場面。
話說李局長噚日喺節目中聽到一名小學生話自己好鍾意打機，佢就一時感觸話：「我都好想玩遊戲機，但俾人話到我……好多人都批評我。」唔知係咪一時忘形，有小朋友同佢訴苦，話同同學唔係好夾，佢又借勢批評議員：「我時時喺立法會，覺得佢哋（立法會議員）好惡，又好似冇乜理由」，勉勵學生之餘，節目尾聲重走晒音咁同班小朋友一齊唱「生命有價」，唔知當時正喺皇后像廣場絕食緊嘅超額教師，又有乜感受呢？
（圖）李國章噚日同啲小學生一齊做電台節目，扮鬼扮馬之餘重周不時感慨吓。
傳真︰2623-9278
電郵︰