為咗慶祝貓王皮禮士利（ElvisPresley）推出首張細碟五十周年，三千歌迷啱啱喺網上選出歷來最佳貓王歌曲，雖然五六年名曲《LoveMeTender》當時只係上到流行榜第十一位，但係就獲得最多歌迷支持，成為最喜愛歌曲，第二位及第三位分別係《HeartbreakHotel》同《SuspiciousMinds》。
前晚腕表名牌Concord於上海美術館，為新腕表系列「DeliriumXXV」舉行派對，出席的包括吳綺莉、梁詠琪、何琍琍和趙世光千金趙式平及男友、蔡充和邱海寧夫婦以及繆非臨等。
近年與母親和女兒定居上海的吳綺莉，甚少出席公開場合，前晚她獲大會送贈價值六位數字的男裝白金腕表，問她會否把腕表轉送給男友時，她笑說：「唔使，好嘢梗係留番自己。」吳綺莉透露與男友拍拖一年，問男友有否向她求婚時，她說：「有提過，不過冇諗，諗起都驚，𠵱家呢個年代咁多人離婚，等感情再穩定啲先再考慮。」
記者再問是否曾經遇人不淑，所以害怕婚姻？吳綺莉否認說：「唔係，結婚係一張紙，兩個人嘅感情先最緊要。我覺得拍拖一年太倉卒，再畀啲時間大家了解，結得婚就唔想分開，互相遷就係一個高深嘅學問，結婚都係搵個伴，自己希望三十八歲前結婚。」
提到成龍早前在上海舉行成龍盃，以及會否去看其新片《八十日環遊世界》時，吳綺莉說：「我唔係三姑六婆，除咗自己嘅嘢之外，其他人嘅嘢我唔會講，每日咁多戲上，睇晒咪好唔掂。」
此外，身穿BCBG連身裙的GiGi以特別嘉賓到場，有傳Concord力邀出任代言人一事，GiGi說：「今次純粹去party，因為之前拍戲Concord有sponsor我，所以同佢哋老闆好熟，未知會唔會合作。」
歌神許冠傑收GiGi為契女，並有傳GiGi會參演許冠傑的電影一事，GiGi笑說：「我之前拍廣告同去肯雅拍劇接觸過斑馬，所以阿Sam叫我做斑馬契女，如果佢邀請我拍戲，我都好願意客串。」
記者DebbieLum、EdwardChou上海直擊
