估唔到人仔細細嘅小妹妹廖瑋榆咁霸氣迫人，佢唔單止喺噚日搶答中英數問題嘅首屆全港小學全能爭霸戰，攞咗個人組全能霸主之名，原來佢重係文武雙全㖭。呢位小霸主喺上水鳳溪小學上午校讀五年班，咪睇佢斯斯文文，原來已經習武三年，跟隨一位聲稱曾經喺全國專業武術比賽連續八屆南拳冠軍嘅黃師傅學藝，刀、劍、拳樣樣都識，今年重代表學校參加深圳傳統武術比賽，攞到團體中級組別嘅一等獎。喺噚日嘅爭霸戰當中，不論中、英定數學嘅題目都難唔到佢，輕易咁擊敗其餘二十九名參實者，唔讚佢文武雙全都唔得啦。
（圖）廖瑋榆（中）贏得全港小學全能霸主之名，父母都感到驕傲。
傳真︰2623-9278
電郵︰