今年7.1大遊行氣氛祥和，平日聲大夾惡鬧人嘅前綫劉慧卿亦冇咁火爆，噚日佢特別去信保安局局長李少光，多謝警方遊行當日同民陣合作，令遊行非常順利咁進行，唔使市民喺熱辣辣嘅維園長時間暴曬等出發，卿姐重特別感謝喺街上執勤嘅前線警務人員，話希望警方日後都可以同遊行示威人士保持合作，就皆大歡喜嘞。
警界朋友同八方講，由於舊年遊行時出現市民衝過警方防線插隊嘅場面，雖然冇引起重大衝突，但經外國傳媒向全球播出後，就好似警方阻撓遊行咁，有損警隊形象，因此今年高層一早落order，前線人員要盡量克制，唔可以再俾記者影到類似場面。
傳真︰2623-9278
電郵︰