許冠傑（Sam）的演唱會因晚晚超時而遭康樂文化事務署、運輸署、警方及九廣鐵路聯署警告，要求阿Sam在晚上十一時半前完騷，否則後果自負。不過，阿Sam前晚不但未有理會，繼續唱至凌晨十二時才完場，而且更準備晚晚如是，務求令觀眾盡興而回。
許冠傑前晚未有理會康文署的警告，一開騷便寸政府說要唱足七個鐘頭，最終唱至凌晨十二時零七分才完場，結果被紅館罰款六萬多元。
據恆藝亞洲負責人丘亞葵表示，阿Sam對政府的所作所為極度不滿，丘亞葵說：「阿Sam話：『乜啲人咁老套㗎！唔理咁多，一於照去。』所以呢幾晚我哋唔會cut歌，如常運作，至於八月演唱會點樣就到時至算，十月開唔開亦未決定。」
而身為嘉賓的古巨基前晚亦在台上力撐阿Sam說：「我估計阿Sam演唱會為香港經濟帶嚟二億資金流動，歌神對樂壇同香港經濟好大貢獻，等我引用一句口號『香港有歌神，財爺冇頭痕。』」台下觀眾隨即大叫和應。
對於阿Sam個唱超時一事，不少觀眾均認為政府不應干預。但運輸署副署長葉麗清昨日出席尖沙嘴一活動時，卻否認運輸署有份警告阿Sam，她說：「遲散場冇問題吖，只不過安排交通工具啲班次夜少少之嘛。」
此外，許冠文在台上表演棟篤笑時說：「7.1遊行有五十三萬人，但警方話得二十萬，嗰三十萬人唔通人間蒸發？咁又係，嗰日有成三十七度，乜嘢都蒸發晒啦。」
採訪：胡比 攝影：林德雄
