容祖兒、房祖名、薛凱琪、組合Twins及女生宿舍等人，昨日出席「太陽計劃2004」開幕禮。對於市面上出版了一本主角樣貌甚似祖兒的性感寫真集，祖兒大表震驚，懷疑是被人移花接木，很想買一本研究。
容祖兒昨日出席在尖沙嘴舉行的港台「太陽計劃2004」開幕禮，近日市面出版了一本《胴體狂熱容祖宜》寫真集，其中的女模特兒與祖兒十分相似。
當記者遞上有關報道時，祖兒表現得頗為抗拒並說：「我睇咗啦，我都懷疑自己俾人移花接木，我有興趣買一本嚟睇。如果真係俾人移花接木，公司一定會追究，就連我阿媽睇到都好震驚。我覺得入面啲動作好不雅，但係都幾好笑，居然有一個人咁似自己，同埋我有價值俾人翻版。」但其實容祖宜乃真有其人，連容祖兒亦覺得是移花接木，可見其相似程度。
昨日首次出席公開場合的房祖名即場獻唱新歌，事後他表示對表現不滿意，因為當中有幾句唱錯了歌詞，他說：「好彩唔係好多人聽過首歌，下次我會盡力唱好啲。」
當祖名被大班記者圍着採訪時，可能未習慣面對傳媒，竟突然說了一句：「救命呀！」再續說：「我媽咪（林鳳嬌）就會做我嘅經理人，唱片會由英皇發行，台灣就簽咗畀新力。」
對於日前被拍下與「翻版王力宏」遊船河一事，Twins的蔡卓妍（阿Sa）說：「個男仔都不知幾開心呀，佢開心到買咗三份報紙㖭，我同佢識咗好耐，係我契哥，佢有女朋友㗎。」而成為祖名第一位緋聞對象的鍾欣桐則笑說：「我呢啲緋聞天后都慣啦。」
此外，太陽計劃歌星統籌周國豐透露，今年太陽計劃會到無錫交流，問到會否繼續邀請吳浩康出席活動，周國豐說：「我見佢近排都有心改過，我亦同佢唱片公司聯絡過，如果佢公司肯畀佢出席，我哋就會同合作機構再傾，所以我哋唔會將佢列入黑名單。」
採訪：李珮洳
攝影：陳志嵐
