水桶腰、甲組腳、麒麟臂、啤酒肚、豪華臀……相信女士們都期望自己並非這些形容詞的女主角!為了從此遠離肥膏,女士們都四出尋訪「名醫」,希望搵到一間纖體公司,踢走肥肉;不過要徹底去脂,就必須清楚知道自己肥喺邊度。現時市面上許多纖體公司,聲稱自己可以為你趕走贅肉。講多無謂,精選以下8間纖體中心各自的王牌機,就知最新減肥科技。哦!原來都係針對唔同部位出擊,務求做到想纖邊Part就邊Part!
記者:吳嘉怡 攝影:梁翠妍、蔡鴻雯
模特兒:Pauline(StarAsia)
Divina人工智能纖體儀
以往好多人減臀,都會用按摩或搣脂方法,不過又痛又要講師傅手勢,所以點及做機均勻同科學!這部人工智能纖體儀,原理同按摩及搣脂類似,以12對帶正負極嘅電流貼(共24塊),直接接駁到客人身上,以達致溶解脂肪粒、收緊皮膚及刺激皮下組織,兼改善淋巴系統的作用。
適合人士:剛生育後、或坐多過企的文職人士
用後感:起初會有點麻痹,慢慢好像抓痕同按摩一樣咁舒服。相比要焗熱排脂或用吸力真空就更方便、舒適,就連做完被撕開膠貼時也懵然不知呢!
建議時間:45分鐘 價錢:$240?次
OasisSpa(29703328)
紅外線能量溶脂數碼儀
別以為肥人先腳粗,好多上三圍OK嘅女士,都有甲組腳問題!此機針對大腿,以紅外線的微熱能及特強的滲透能力,達致激化皮下脂肪組織,並促進新陳代謝,燃燒皮下脂肪。
適合人士:甲組腳及經常走路的人士
用後感:不消2分鐘,皮膚已感到有點輕微被蚊咬的感覺,及至10分鐘,大腿開始有點熱,不過程度只係好輕微;做完感覺係皮膚會變得柔軟!
建議時間:30分鐘
價錢:$600?次
變靚D(23092928)
瘦身氧氣太空艙
這部勁型的太空艙,只需先塗上排毒精、減肥膏及香薰植物油,然後調校至適當溫度作瘦身焗汗,便可蒸發全身水腫。好處是有助通淋巴,而且身體吸入大量氧氣後,可促進皮膚新陳代謝,令看起來更有光澤。
適合人士:Check自己有冇水腫:用手指按皮膚,如發現凹陷位明顯而深,而且平復緩慢,就有輕度水腫問題。
用後感:暖暖的好舒服,唔會好似焗桑那咁熱,不過都真係出咗一身汗,感覺成個身輕飄飄!
建議時間:30-45分鐘
價錢:$800(原價);$360(試做價)
Eden(28822008)
特效消脂機
背肌厚令人產生骨架粗大同苗條美感無晒的感覺!這部機先用排毒喇叭,以一吸一吮的方式,刺激循環系統,達致通淋巴及帶走水腫功效,再以特效消脂機的8個波波頭,配合極速滾輪,收緊背部肌肉及線條。
適合人士:背肌雄厚及不愛搣脂的人士
用後感:有種做按摩令人想昏昏欲睡嘅感覺。背部肌肉明顯收緊咗,最厲害係連平時嘅水腫都冇埋。不過療程完成後,兩至六小時內不可進食,真係幾辛苦,幸好還可以飲水。
建議時間:30分鐘
價錢:$800?次
唐安麒豐胸瘦身專門店(28902198)
搣脂機SygmassPlus
呢款混合了減肥機同漢方穴位推拿的纖體方法,主要將排毒同消脂精華油塗在手臂上,再配合真空吸頭吸吮皮膚表面,然後再以人手做穴位推拿,特別對拜拜肉同雞翼位有療效。最後配合海藻消脂溫泉泥,同收緊藥效嘅冷凍收緊藥水,令到手臂位更收緊。
適合人士:手臂水腫、肌肉鬆弛及不怕被搔癢的人士
用後感:初頭用真空吸頭吸吮皮膚表面,細細力,好舒服;不過到穴位推拿時,因為怕癢,唔能夠集中精神咁享受當中的樂趣,所以如果呢Part可以改用儀器代替,感覺會更好!
建議時間:50分鐘
價錢:$288(試做價)
BeautyForever(28694666)
色光溶脂儀
結合了電療瘦身及紅外線的功能,一經駁上電源,電流頻率便會刺激淋巴,對厚厚的脂肪一次過打散,以便令肌肉有收緊作用。對極難纖的小腿尤其正!
適合人士:水腫人士
用後感:部機能夠調校唔同高度,對用家來講好方便。起身之後,摸摸小腿,手感上覺得好似瘦咗!
建議時間:40分鐘
價錢:$1,800
減肥堂(28108238)
V6纖體儀
V6纖體儀將體內的脂肪運送到淋巴區的位置,經變成脂肪酸後排出體外,對水桶腰特別有效。
適合人士:頑固及深層脂肪、水腫、產後人士
用後感:其中一Part用大杯吸啜住啲肉時,雖然唔係好大力,但有啲被輕輕抓癢嘅感覺!做完之後,雖然寸數無咁快減到,但感覺Firm了一點。
建議時間:45分鐘
價錢:$1,500(做夠5次有5折優惠)
天使(21427433)
BodyCellFast
利用超聲波掃射方式,發出漸進式嘅聲波按摩,配合埋消脂啫喱滲進皮下細胞內,以分解同燃燒脂肪。再以激光器將已溶解的脂肪掃射向淋巴系統,藏喺皮膚內嘅脂肪自然排走,肌膚回復光滑彈性。
適合人士:橙皮脂肪、身體腫脹的人士
用後感:皮膚受到刺激後,感覺有點熱。做完之後,尤其手臂位肌膚,感覺啲肉真係收緊咗。
建議時間:40分鐘
價錢:$1,800?次
Bioarchitect(31015025)