吳浩康本來獲英皇力捧作歌、影兩棲發展，但他因涉嫌藏毒被捕令星途盡毀，近期英皇已秘密另覓形象健康的新人王補上，他正是二十二歲的澎馬流浪後防球員文彼得。
英皇旗下男歌手近年買少見少，謝霆鋒事業發展平平，陳奕迅又約滿離巢，故吳浩康本為英皇重點力捧男歌手，除唱歌以外，亦有安排他躋身大銀幕。可惜吳浩康因涉藏毒被捕而令形象盡毀，事後英皇亦表態可能與他解約，所以英皇近日已另覓新血，秘密簽下形象健康的年輕球員文彼得，安排他取代吳浩康成為未來力捧新星。
文彼得（Peter）現年二十二歲，綽號Peter仔，其外形亦算討好，雖然文彼得的家人開設紙紮店，但因他從小已愛踢波，故他長大後也視足球員為職業。文彼得現為澎馬流浪後防球員，早前更曾代表香港前往科威特為「2006世界杯亞洲外圍賽」作賽。
據知文彼得上周於科威特返港後，已跟英皇動筆簽約五年，正式成為謝霆鋒師弟，未來他會先以拍電影為主，遲一步才考慮出碟。而早前另一位澎馬流浪球員陳偉豪亦已簽約陳達志（Ba叔），看來這二人將來大有機會在銀幕上一較高低。
日前本報聯絡文彼得時，他在電話中說：「之前係我嘅經理人公司叫我試吓，大家係一路都有傾緊，呢次我同英皇簽咗五年合約，會拍電影、廣告，我對做呢行都有啲信心，但我應該會以足球為主。」
文彼得作為職業球員，這次突然晉身演藝界，未知其隊友及球會有何看法？他說：「之前陳偉豪都簽Ba叔啦，冇乜嘢特別，唔係好大件事。」至於會否出碟，文彼得笑說：「考慮當中，但暫時應該唔會。」
文彼得又表示之前曾與英皇集團老闆楊受成會面，他說：「我第一次見佢時好緊張，佢係大老闆，我都係講咗幾句嘢，佢好好人，好客氣，客氣到我都唔好意思。」文彼得有運動底子，未知他會否在銀幕上走動作路線？他說：「唔知呀，我剩係知會被安排拍電影，其他嘢就唔清楚。」
採訪：朱倬誼
