噚日雖然天氣好差，成日天黑黑想落雨咁樣，但有一千位參加「國泰航空飛躍理想計劃」畢業儀式嘅年輕人，並未有因此而令佢哋嘅熱情減退！有份參加計劃嘅會員話，今次佢哋最深刻嘅地方係可以做義工幫到人、拉近與飛機嘅距離，重識咗好多機師同空姐㖭！
國泰公關同八方講，其實呢班會員除咗可以藉活動認識機師同空姐外，重可以參觀一般人唔可以進入嘅機場禁區，其中表現優異嘅一百位會員，重可以分別飛到空中巴士歐洲總部、波音飛機美國總部，同埋澳洲嘅飛行學校參觀㖭！噚日飛咗啦！若果八方後生啲就好啦！
去年無參加嘅年輕人唔使失望，因為國泰經已決定明年會再舉辦同樣嘅活動，但現時並未有確實資料可以公布，有意參加嘅年輕人多啲留意報紙，八方收到料一定話畀大家知。
（圖）喺噚日嘅「國泰航空飛躍理想計劃」畢業儀式上，一班年輕人好興奮咁拋起畢業紙帽。國泰航空提供圖片
傳真︰2623-9278
電郵︰