佐敦7代奧運版親民價復刻

等咗12年，終於推出復刻。講緊嘅係Jordan7代奧運版，佢對於所有佐敦迷來講絕對係DreamShoes，全因鞋踭個9號。佐敦咁多代之中，佢係唯一唔用上23號的，最為珍貴。用上9號，皆因當年波神參加奧運，身穿9號球衣。雖然有傳行貨會到今年9月推出，但香港部份水貨界老行尊已經返咗對鞋，作價$1,299（齊Size），比起原版$3,000過外絕對抵買！

記者：李崗華　攝影：黃子偉

即買Jordan7代奧運復刻版！
如果你係年過廿四，12年前大家應該同筆者一樣，每日沉醉於籃球之中。冇計，當年NBA實在太熱，如果你係腳踏呢對Jordan7代落球場，無論球技有幾唔掂，相信你都係全場最矚目嘅一位。當年買唔到？唔緊要！因為Jordan7代奧運版經已再生，重要係99%完全復刻，剩低嗰1%只係換咗個新鞋盒。（$1,299/a）

■Jordan92年參加奧運時就係腳踏呢對鞋，你睇佢當年幾Fit！

Jordan7代變種版本
唔講唔知，其實Jordan除推出奧運版外，更有推出其他版本，有啲更係見都未見過，絕對稱得上係古靈精怪。此外，由於Jordan7代於上年年尾推出復刻版，有不少Nike旗下的NBA球星都腳踏不同顏色及印有自己號碼的Jordan7代，當中更有剛由adidas轉投Nike的KobeBryant及MikeBibby。

■藍×白（復刻版）（$1,099/b）

■呢對並唔係老翻，鞋身的JumpmanLogo變為BugsBunny（賓尼兔），而鞋踭的23號則改為BB，即BugsBunny簡稱。呢對咁古怪嘅鞋係華納公司拍戲時特別情商Nike所做。

■呢對重誇張，將對鞋變為巨型卡通人物專用。

■Jordan曾打棒球，更將Jordan9代變為棒球鞋，原來Nike都有將7代變為棒球鞋，為棒球名星RoyJones專用，名為AirJordan7Cleats。

■NBA著名後衞MikeBibby為JordanBrand旗下的球員，擁有自己號碼的Jordan7絕不為奇。

■呢對Jordan7代顏色之前絕未見過，原本係為剛加盟Nike的KobeBryant而設。鞋踭依舊印有23號，但鞋側的JumpmanLogo則轉為8號，即Kobe的號碼。

■與原版的產地唔同，由原來嘅台灣改為祖國，但質量依然不變。

■鞋盒上只印上Jordan7Retro，並無印上奧運版字樣。

■就係呢個9號冧巴，令到所有Jordan鞋迷着迷。

一周波鞋情報Nike威晒！
今周Nike認真厲害，除有Jordan7代奧運復刻版到港之外，另外更有一大堆特別版到港，雖然對對過千，但勝在矜貴，行出街都冇咁易同人撞鞋。

■鞋帶頭印有Jordan的JumpmanLogo，但用上塑膠，如果用上金屬效果應該會更好。

■以往的復刻版均會附上PostCard，呢對都唔例外。

■鞋底與當年一樣，印有JumpmanLogo。

J-League蒲和紅鑽版AirMax1
早前美國潮舖Union推出大阪板神棒球隊特別版URL，估唔到今次輪到日本足球隊蒲和紅鑽版AirMax1，雖然唔關Supreme事，但一樣咁潮，足球迷不妨諗諗。（$1,300/c）

三藩市潮舖True特別版AirMax97
True坐落於三藩市，以售賣自家品牌及一系列的特別版波鞋起家，今次與Nike推出泥色AirMax97外，更推出特別版Tee。雖然AirMax97的氣勢有所回落，但呢對有啲唔同，皆因隻色襯得非常之好。（$1,500/c）

AirMaxTee
雖然呢件Tee前面睇落有啲「行」，但後面一句“JustTrueIt”則贏晒，連Nike嘅名句都敢玩，勁唔勁？（$500/c）

意大利特別版Terminator
雖然鞋踭有個SlamJam鞋扣，但與籃球完全冇關，SlamJam係一間意大利潮舖，今次與Nike推出Crossover版本，主要為慶祝SlamJam的開幕。（$2,200/c）

售賣點
a/Why（23900099）旺角皆旺商場地庫B6號舖
b/HeadCoach（27710163）旺角瓊華中心2樓209號舖
c/REACH（27717333）旺角上海街426號萬事昌中心1202室