美國駐港總領事館噚晚提前慶祝美國獨立日二百二十八周年，當奴代表特區出席。祁俊文（圖）致辭時笑住話，呢度大堂內雖然冇五十萬人，但一定有五百人，咁即係明玩當奴啫！
佢又話，七月四日係一個好特別嘅日子，因為美國民眾不但會歡騰慶祝，亦會對佢哋重視嘅理念作出反省，呢啲理念係人人生而平等，有生命權、自由權同追求幸福嘅權利，呢啲就係美國人嘅核心價值。祁俊文重特別提到丘吉爾嘅格言，就係「相信民主，相信人民」。
講兩講，佢老哥最後都忍唔住提到董特首，不過，就好客氣話支持阿董7.1嘅呼籲，就係同香港各界聯手共同建立一個繁榮、穩定、自由、民主、和諧同團結香港，有朝一日再有渡海泳比賽，佢一定參加。至於7.1咁多人上街，梗係要重視啦！
傳真︰2623-9278
電郵︰