人氣組合Twins的鍾欣桐（阿嬌）日前在電台表示，早前打本給母親開了一間腳底按摩店，不過她們聘請的裝修師傅卻未能如期完工，且威脅她們多付四至五萬元的費用才肯起貨。
阿嬌日前接受訪問時激動地說：「個裝修師傅開頭話十萬蚊搞掂晒新舖嘅裝修，年尾交貨，我媽咪就叫佢寫張報價單，但佢遲遲都唔肯寫。」
阿嬌謂後來該裝修師傅要求嬌媽多付四至五萬元裝修費，還要年頭才能起貨，阿嬌說：「我媽咪再搵人格價，人哋話畀多萬幾蚊就OK。」阿嬌謂其母已往警署備案，她說：「個裝修佬話我唔畀錢就報警同唱衰我，事實上係佢唔啱，倒垃圾都話要收一萬，不如我自己去倒！啲人成日以為我好有錢，我啲錢唔易搵㗎！」
採訪、攝影：李珮洳