致一眾踐踏今年七一遊行的人：
我們曾經期盼：「今年七一遊行，希望有三十萬人，這已是個可觀的成績。」
你們曾經期盼：
「今年經濟好咗、氣氛好咗，冇沙士，唔會有上年咁威啦……」
「今年冇二十三條、冇葉劉、冇阿松，冇咁多人啦……」
「政府過去一年不斷聽取民意，佳績有目共睹，唔會有咁多人啦……」
「今年名嘴封晒咪，冇人煽動、冇人誤導，冇咁多人啦……」
「天氣咁熱，香港人歎慣冷氣，邊會出來吖……」
五十三萬！
對不起，香港人再一次令你們徹底失望。你們一定很不忿、很迷惑，甚至有點不知所措。
為甚麼又猜錯？為甚麼香港人好像變了種，跟從前不一樣？
不忿、迷惑、狐疑、不安，七一晚定必緊緊纏繞着你，更會隨你進入夢鄉。因為無論你們張開眼還是合上眼，光明和黑暗，都沒有兩樣。
香港人又為你們帶來不安。對不起！
但我們仍然感到無比的驕傲。祝
睡安
袁偉文
寫於二○○四年七月一日晚